俾人呃！

年初一就俾人呃咗廿雞，幾慘！

話說尋晚響婆婆家食完飯就搭巴士出旺角飛紅Van返歸，落巴士後見到「番梘」檔當然又去八卦吓，然後就俾咗廿雞買隻側田，因為只係想要首命硬入部ipod啫。返到屋企拿拿臨放隻碟入電腦，點知阿ibook仔居然話俾主人聽放入的是隻吉碟，仲問駛唔駛同隻吉碟改名，啤啤聲！

喂，番梘大佬，出黎賣野要識行規，點會將隻吉碟放入張彩色影印就當番梘賣嫁！你燒咗我買咗但read唔到就一件事，真差！就當我尋日俾封利是過你，希望你有所覺悟，長人又長腦！！！激氣！