病病

之前話公司的滋補炖湯飲到我榮吓榮吓，話說擒日仲激！

星期二飲炖湯，當日巳經覺得有點不舒服，但其他三個一齊飲湯的同事都無事，以為我受不了花旗蔘啫...

點知星期三返工，巳經好似發緊燒，但未至於病到返唔到工，加埋擒晚跑馬，大把野等住我做，於是便頂硬上囉！其實由星期二下午到星期三中午我一D野都無食，本來諗住Lunch Time瞓佢個半鐘，點知朋友叫食飯，咪又出咗街玩，食咗碗米粉。點知下午就發病了，到傷殘人士厠所的大口仔嘔返Ｄ炖湯出嚟，幾得人驚，仲肚疴添...慘！本來要入馬場睇野，最後都係頂唔順，六點夠鐘就返歸...

返到屋企除咗副CON，連粧都無落就瞓，中間起過兩次身飲水，量過體溫，嚇死，成39度！本小姐一向體溫異於常人,只有35.5度左右，幾驚燒壞腦，但本住為準備Haruka一年都唔食藥的關係，只有等佢自己退燒。

瞓咗十二個鐘之後，今朝起身就退咗燒，都無嘔（當然，都成二十個鐘無食野，嘔乜），今日返工無食早餐，所以都有二十六個鐘無野落肚，差點可以玩饑饉三十，但返工都可以好精靈地做野，應該好返晒！

我唔會再飲滋補炖湯！我果真係虛不受補！！！