識行,唔識行

好多0701的小朋友都開始學行或者巳經識行,其他媽媽覺得好開心,
因為個仔/女踏進人生另一章,
但我卻慶幸Takumi仲未識行(真變態)...

Takumi個身重,加埋冬天著好多衫,
兼且佢爬得好快,所以暫時都無學行的跡象...

仔呀,千其唔好咁快識行呀,媽媽想抱你揹你多D呀...
雖然將>25磅的你掛在右肩上都幾係辛苦,
但人生數十年,將來要靠你自己行的路十分漫長,
到時媽媽只可以陪你行,不能再揹你行幫你走,
唔好咁快學行,就當送多幾個月親密時間俾媽媽啦...

(讀者唔好毛管戙,只係一時感觸啫)