做個開心健康人

Takumi BB最常被讚賞的，莫過於佢個親切窩心的笑容。

佢由響媽媽個肚入面開始，巳經跟著爛玩的我四圍去，所以養成一個唔怕醜的性格，宜家一聽到「去街街」呢三個字，即刻甜笑繼而飛撲過去，執輸行頭慘過敗家。在四圍都係陌生人的環境中，更會履行親善大使的責任，見人就笑，用充滿口水的肥手摸你，以及用外星話話你知佢幾想同你做個朋友。

Takumi 唔算好靚仔，但好在笑容搭夠，令佢成為大人的甜心，無人能夠抗拒。屋苑的保安員同會所的職員見到佢都會放低工作逗一逗佢，在街逛時每次都會有最少五個人聊一聊佢，屋企人放工見到佢都要錫一錫佢。

媽媽對ＢＢ的將來無太高的期望，只求佢可以同媽媽一樣，滿足於自己的過去與現在，繼續以開朗的性格創造未來，做個開心健康人。